KTP LEH ZIRNA

Kristian |halai Pawl: Lamka Chhim Branch

Seminar 28-01-2014

K|P LEH ZIRNA

Kristian |halai Pawl kan nihna a\ang hian thil eng pawh sawi dawn ila kan bul \anna tura ka ngaih chu kan pawl thupui, innghahna leh thil tumte a ni ngei ang. ‘Rawngbawl tura Chhandam,’ ‘Isua Krista rinna leh amah anna kawnga \halaite hruai,’ ‘Kohhran kutke ni tura \halaite buatsaih,’ ‘Kohhran hnathawh tihpuitlin,’ ‘Krista Chanchin |ha puan darh,’ tih leh ‘Ephesi 2:10’ te hi a lian ngawt mai. K|P chu Krista an tumtu, Kohhran tichaktu leh Chanchin\ha hriltu a ni a, hemi kawnga Zirna a pawimawhzia kan phak tawkin kan  bihchiang dawn a ni.

Zirna Pawimawhzia

Mi tam zawkin zirna a\anga kan neih hriatna (knowledge) leh thiamna (skill) hi thiltihtheihna (power) a ni a. Tunhma chuan tharum chakna hi a langsar bik a, inah leh ramah tharum a pawimawh em avangin finna, thiamna leh zirnate chu a pahnihna leh hnuai lamah an awm a ni. Mizoten an ngaihsan ber pawh ral laka huaisen, lo lama thlo chhuak tam- tharum tel lova nih theih miah loh kha a ni a. He culture-ah hi chuan hmeichhe dinhmun a sang lo hle. A chhan chu an pianzia renga ‘tharum’ pek tam loh zawk an nih  vang a ni.

Tunah erawh chuan tharum hi thiltihtheihna ber a nih tawh loh avangin pian \ha leh tlawntlai \ha ber lem lote pawh a thiltithei ber an ni thei ta. Hmeichhe awm nem zawkte dinhmun pawh he ‘power’ hian a rawn tisang ta zel a, khawtlang leh kohhranah pawh ‘intluktlanna’ an ngiat fo ta mai a nih hi (mipa ho hian intluktlan hi fight tawh zawk zawm kan ni hial!) Chuvangin, ‘Hriatna chu thiltihtheihna’ (Knowledge is Power) an lo ti ta a ni.

Hei vang hi a ni ang Chanchin\ha hril rawngbawlnaah hian zirna (education) hian hmun lailum pawimawh tak a luah \hin a. Missionary ten an tih hmasak ber chu sikul din a ni tlangpui. Zirna chuan thil a ngaihtuah thiamtir a, mihring a tichangkang \hin. Zirtu rilru a pawt fan a, a tizau \hin a. Chu chuan zahawmna leh hlutna thlengin a hring chhuak a ni.

Engnge Zirna Chu

Zirna (education) hi hmuh dan a inang lo hle a, a lar zual han sawi ila:

1.      Zirna chu mihringa theihna inphum pho chhuaktu a ni.

 Zirna chungchanga mithiam Paolo Frere-a chuan zirna chuan mihringa theihna inphum chu a pawt chhuak a, a tilian a, a tichak \hin tih thu a sawi \hin. Latin \awnga educare tih pawh hi ‘hip chhuah’ tih sawina a ni. Chuvangin, zirna chuan Pathianin mihringa theihna a dah lan chhuahtirtu a ni a, chu chu a thlen veleh mi a lo changkang sawt a, a lo zahawm sawt \hin. Kristiante rawngbawlna hna nen a inrem hle reng a ni.

2.   Zirna chu mihringa dik lo awmte a hlawi thlatu a ni.

Psychologist Sigmund Freud-a chuan mihring hi ‘ramsa dam lo’ rilru ngaihtuahna nei si angin a sawi a. Heti a nih avang hian zirtir a, training leh discipline hmangin ‘tihdam’ turah a ngai. Chu hlawi thlakna hna chu zirna hi niin a ngai mai. Hetianga mihring nihna ngaih hniam hi Kristian zirtirna nen a inhmeh lem lo hle a ni.

3.   Zirna chu hlawkna thlentu

Tunlai economist tam takin zirna hi eibar zawnna leh ram siamna atana thil pawimawh tak angin an ngai a, hlawkna siamtu sumdawnna chi khat angah an ngai mai a ni. Technical education te chu economic lama hmasawnna innghahna pawimawh tak a nih avangin an ngai pawimawh hle \hin. He ngaihdan \hat tawk lohna chu zirnain sum leh paia hlawkna a thlen lohna hmunah chuan ngaihthah mai a \ul \hin hi a ni. Zirna hi sum leh pai thawh chhuah tam zawnga teh tur a ni ber lo a ni.

4.   Zirna chu thutak zawnna

Mi tam takin zirna hi thudik zawnna angin an ngai a. Hei hian dikna leh \hatna nei mah se hriatna hrim hrim zawnnaah a kal duh khawp mai. Chu chu Kristian taka ngaihtuah chuan a kim lo hle ang tih a hriat theih a ni.

5.   Kristiannain zirna a hmuh dan

A chunga zirna chungchang sawifiahnate khian rilru leh ngaihtuahna \han zelna lam zawngin an thlir tlangpui a. Mahse Kristian hriat thiamna a\anga thlirna erawh chuan rilru leh thinlung leh thlarau lam a khawih thung. National Ecumenical Policy on Education chuan “Mihring chu hriatna leh finna pangngai piah lamah chatuan Thutak Isua Krista lo lang lamah chuan a hruai lut \hin a ni. Christian education-ah chuan rilru leh ngaihtuahna \han len zel a tel a, chu aia zau chu tuam telin- Kristaa Pathian inpuannaa lang angin - hmuh theih ram malsawmna mai piah lamah nun dan \ha, chatuan nun, Krista hril tel ngei chu a keng tel \hin a ni,” a ti.[1]

Kristianin khawvel zirna a thlir dan tur

          Khawvel thiamna hi kan mamawh a, amaherawhchu Isua Krista lo kal chhan – pachhiate hnena Chanchin\ha hril, mitdelte mit tih var, leh hnehchhiahte tana zalenna pek, hna nena kalkawptir hi Kristianten zirna kan hmuh leh pawm dan tur a ni ang.   Khawvel zir thiamna leh Pathian hriat zir thiamna-in a tum danglam dan han en lawk ila:

S.No.	Zirna Pangngai	Kristian Zirna
1	Mahni inhaivur	Midangte tana malsawmna
2	Hausak thur thur	Retheite rawngbawlsak
3	Hming \hat	Mualpho tuar ngam
4	Tuarna tih bo	Harsatna tuar zawh
5	Chhuanawm tham thawh chhuah	Inngaihtlawmna leh Inphahhniamna
6	Chawimawina leh chanvo \ha zawn	Mahni inphat
7	Sakhaw thil a\anga inlakhran	Thlarau lam thil ngaihsak
8	He lei hun chauh thlir pha	Van lam thlirtu
9	Midangte aia thlen san duhna	Mahni inchana Chatuan nunna neih
10	Mimal thil	Huho thil

Kristian tana Zirna pawimawhna

          Bible chuan, “Ngaihtuahna nei hlei lo sakawr emaw, sabengtung emaw angin awm suh,” (Sam 32:9) a ti a, Israel mite chu, “Hawh teh u i ngaihtuah tlang teh ang u!” tiin Pathianin a sawm lawm lawm bawk a. Pathian min pek ngaihtuahna hi hmang \ha peih lova ramsa anga tal vel mai mai kan tum a nih chuan Pathianin Joba a “Mipa takin i puan veng la, Thu ka zawt ang chia, mi hrilh ang che,”(38:3) tih ang hi kan tawng ve mai ang tih a hlauhawm a ni.  Rinna humhimtu mihrang James Orr-a chuan, “Khawvelah hian zirna dah sang ber sakhua hi thlang ta ila, Isua Krista sakhua hi a ni ang. Hnam mawl ho sakhuaah chuan thurin (doctrine) a tlem a, serh leh sang a tam \hin. Hei tak hi Kristian sakhua  danglamna a ni – thurin (doctrine) a pawimawh em em hi.  Kristian sakhua chuan zirtirna mumal tak a nei a; thutak nih a hauh a; hriatnaah a innghat a ni;…. Kohhran chanchin zawng zawng kan thlirin hei hi kan hmu -ngaihtuahna fim leh \hahnemngai taka chhutna awm lo sakhua chu a lo chau a, a mawl a, a hrisel lo \hin; sakhaw zirtirna pawn lama rilru hman vak vak erawh chuan Pathian tel lo suangtuahna a hring thung a ni,”[2] a lo ti a. Mi tam tak chuan rilrua chhuta ngaihtuahna leh ‘thlarau’ lam thil hi inzawm lovin an hria, a mak hle.

Pathian Thu i hriat chian nan zirna a pawimawh

          Pathian Thu hriat nan mi tam takin zirna hi an hnualsuat fo mai. Zirna huang a\anga thu sawite hian ‘a dawna dawn lam’ leh ‘hlimpui’ lam an uar tlem a ‘a tiha tih lam’ an uar \hin vang a ni mai thei. Kan zo lo deuh a ni ang. Kristian sakhua hi hlimpui tur zawnna sakhua emaw tih mai a awl bawk a ni. Chuvangin, rilru hmang mang lo a ‘thlarau pek’ dawng nia kan hriatte chu vannei kan ti a, kan ngaisang \hin bawk a ni. Amaherawhchu, Thlarau Thianghlimin Pathian Thu min pek tawh chu kan nei, chu chu Bible hi a ni a. He Bible Thu hriat hi thil awlsam tak a ni lo. A tira an ziahna \awng Hebrai, Greek te a lo awm a; tin, Church History leh Thurin kalhmangte kum 2000 chhung thil a lo ni tawh si; chu mai bakah tunlai mihring zeizia a la awm zel bawk nen; chung zawng zawng ngaihtuah chuan rim taka zir chianna lo chuan Pathian duhzawng hriat a har hle ang tih chu a chiang mai. Pastor anga rawng ka bawl ve tawhna hun tawi te-ah hian ka hmuh chhuah ve chu lehkha lama lo mawl lutuk te tan hi chuan kohhran kalphung leh Pathian Thu pawh man fiah a har hle a ni tih hi a ni. An beisei a tawi a, an thlirna a thui mawh khawp mai. Han inhrilh ngial mah ila, an man hleithei tawh \hin lo a ni. Kan mawl lutuk chuan Pathian Thua kan lawmna leh man tawk leh hmuh chin pawh a kim mawh viau dawn a lo ni! [3]

Pathian rawngbawlna atan zirna a pawimawh

          KTP thiltumte kan tihlawhtling dawn a nih chuan member zawng zawngte hi vengva tawk tak kan nih \heuh a ngaih ka ring. A chhan chu eng dang vang ni lovin, kan rawngbawlsak tura te hi an vengva tawh em a ni. Paula te hun lai chuan Paula kha an rama lehkha thiam berte zinga mi a ni a, St. Augustine-a chu a hun laia khawvela thluak \ha ber niin an sawi. Chutiang bawkin John Calvin-a te pawh an lo ni. Tunlai khawvel hian Pathian a kalsan nasat em em tawh nachhan hi khawvel dawhkana lang tham Kristian mithiam kan awm loh vang hi a ni thei ang em? tih hi ngaihtuah tham a awm a ni.

          Kan khawvel hmachhawn mekah hian kan \halaipuite Isua anna kawnga hruaia, Krista Chanchin\ha hi kan hril zel dawn a nih chuan, kan hrilna tur thlawhhma kan hriat chian a ngai ngei ang. An rilru puthmang, an mamawh, an duhzawng, an chak lohna, an chakna, khawvel sukthlek, an tana thil hlauhawm awm thei, hlauhawm anga lang hlauhawm lem si lo- heng zawng zawng aia tam hi kan hriatpui zel a ngai dawn a ni. Chu chu zirna hmachhuan lo chuan a awm lo, ti ila kan sawi sual lem lovang. Engkimah kan rawngbawlsakate hi kan hmakhalh zat zat hi thil pawimawh ber a va ni tehlul em!

Kan lehkha zir laia kan nau \hin (kum lamah) pakhat chu Pathian awm ring lo (Atheist) a ni tawh e, tiin \hian \ha ten an an mangan thu leh an kohhran pawhin kut an thlak titih deuh thu te pawh min rawn hrilh a. A chhan pawh Pastor lar tak pakhatin Sakrament pawl zirlaibu-ah thlaite pawh hian thisen an neih thu a ziak a ni awm e. Chu chu a ni M.Sc (Botany) Sakrament pawl zirtirtu chuan duh lovin a sawisel ta a, thu a lawk ta a ni ber. Hemi thuah ngat hi chuan (ka hriat chin khi a dik a nih chuan) kan Pastor approach khi a fel hlel deuh niin ka hre ve tlat. Tunlai khawvel mite thiamna leh beiseina kan pha lo a ni. Mawlmang tak taka sawi leh ringawt hi an pawm theih loh hun a la awm ngei ang. A awm mek a ni. Hemi zawngah hi chuan kohhran pawh hi a inbuatsaih \ha lo niin ka hre \hin. |hangtharin thil a ngaihtuah dan te, a thlen chin te, a duhzawng te, a nihphungte Kristian \halaite chuan kan hriat ve a \ul a, chumi atan chuan B.D, M.Th, M.Div, B.Th. etc., zir a ni ber chuang lo. Zirna field tin hi a \angkai vek.  Kan rawngbawlsakte kawng engkima kan luhkhalh theih hi tihmakmawh kan chunga lo thleng a ni ber mai.

Mahni zirna ngaihsak loh hi sual a ni(?)

          Churachandpur mite hi hmun danga mite tan awhawm kan ni lem lo khawp mai. Kawng a khu si, underground an tam si, electric kal chhe si, eirukna a tam si, mi kan sual si – ‘si’ tam tak a ni. Amaherawhchu, vanneihna hlu tak kan neih hi ka ngaihtuah \hin. Class XII thlenga zirna \ha tawk tak School kan neih hi a ni. Kan school te hi an zahpuiawm lovin inzir puitlin theihna an ni deuh vek. Tin, a standard pawh hi India ram pumpui en pawhin a zahpuiawm lo hlein ka hria. Officer pawh an chhuak hnem viau a ni. Hei hi kan ram buai tak kara Pathian malsawmna kan dawn niin ka hria.  

          Professor pakhatin min hrilh a. ‘What is your aim in life?” tiin Churachandpur zirlaite kan han zawt a. Kuki leh Paite \awng hmang te chuan a tlangpuiin, “IAS, Army Officer…” tih te hi min chhang \hin a. Mizo leh Hmar \awng hmangte erawh chuan, “Pastor, Missionary…” an ti tlangpui a ti. Hei hi ngaihtuah chian a ngai ngawt mai. Pathian kohna avanga hei hi kan ti thei a nih chuan a ropui thlawt a ni. Amaherawhchu, tum ruh tawk loh vang leh sual(fight) chhuah peih loh vanga ‘thil \ha ve tho….nih awlsam zawk deuh si,’ ‘Pastor,’ ‘Missionary’ nih kan tum ta mai a nih chuan…a ropui lo ngawt ang.[4]  Chhiar tur zawng chi ka nih avangin newstall kan neih chhun te hi ka tlawh ve fo mai. Competition Success Review, Year Book tih te zawngtu tleirawl naupang tak takin an zawng sung sung \hin. Mizo tlangval leh nula ka hmu khat khawp mai le. Eng vang nge ni ta ang le?

          Lehkha zir turin sum leh paia chawm zotu che i nei a, zir thei turin rilru ngaihtuahna buai lem lo leh hriselna \ha i nei bawk a, mahse i thatchhiat vang liau liauin i zir tawh lo a nih chuan Pathianah thiam i chang dawn em ni? Pathianin din thar a tum che a, training pek che a tum a, nangmaha theihna (potential) hai chhuah a tum a, chhuanlam \ha tawk nei lova i lo ngaihsak lo liam ve mai mai a nih chuan thiam i chan a rinawm dawn em ni? Pathian Thu hriat nan leh A rawngbawlna hlawk zawk atan remchang i nei chung chung pawh zawmthawt vanga i tihlawhtling lo a nih chuan thil pawi tak i khawih a nih hial ka ring. Sual a tling hial thei ang em?

          |henkhat chuan, “A hminga passed ve mai mai chu engmah a ni lo ve. Thiam filawr nih loh chuan hna an hmu chuang lo,” te an ti a, an tui ta lo \hin a ni. Certificate lo kawl ve hrim hrim pawh a lo \ha khawp mai. Mi pakhat chu Tirhkoh atan kan la a, lehkha zir tehchiam pawha ka hriat loh kha private-in a lo ti keuh keuh a mi hriat lovin BA a lo passed daih lo niin. A fel bik a, a \ha bik pawh ni miah lo khan Graduate scale-ah lutin a tirhkohpui tam tak aiin a hlawh sang ta daih mai a ni. Chuvangin, a certificate hrim hrim mamawh hun hi a lo awm a, chumi atan pawh inbuatsaih a \ul \hin a ni.

KTP-in Zirna hi engtinnge kan promote dawn?

          Kristian |halai Pawl rawngbawlna hian zirna lamah huang kan zauh mawh khawp mai. |halai zinga thil pawimawh em em mai hi a \ul leh a hlutna intuh zel hi kan rawngbawlna pawimawh zual zinga mi a ni ngei ang. MZP leh pawl dang tih atana khek mai lovin KTP nen pawh a inhmehzia hriata hmalak a duhawm. Hengte hi ngaihtuah ila:

1.    Career Guidance changtlung tak nei fo ila.

2.    Zirlaia chak lote fuih \hin ila.

3.    Zirlai ti \hate chawimawi thiam ila.

4.    Drop-out te zawng chhuakin kawmna neih hial \hin ni se. Theih chin chin an harsatna sutkianpui tum ila.

5.    K|P thiltihah zirlaite bik phut tawk chin nei thiam ila. Zirlai ni ve loten awl an ngaih hunah awl thiam a \ha. Phut mai lovin chu chu kan rawngbawlnaah ngai ila.

6.    K|P memberte thlarau nunah hian lehkha zir pawimawhna hi tel pha se.

KTP Active Member leh Zirna

          KTP-a a kul ataia kan \an hian kan zirna nena insu deuha hriat a awl khawp mai. Chhungte \hahnemngaiin min lo tih deuh phei chuan thinrim hlur awl tak a ni a, rilru nat mai leh kan rawngbawlna pawh min hriatthiampui lo deuha ngaih mai a awl \hin. Kan rilru kan bihchian \hin a pawimawh hle awm e. Dik emaw kan intih laiin kan lo dik lo daih theih ve tho a ni tih hriat a \ha. Pathian duhzawng engnge ni ang? tih inzawh thiam a \ul a ni. Kan \hianpa pakhat chu a tukah exam nei reng chungin kan Krismas Carol-ah a chak lutuk avangin a rawn tel a. K|P activity chu a nih tho rualin khami \um kha chuan ama chakzawng a um mah mah niin a lang. I zirna leh rawngbawlnaah mawhphurhna i nei ve ve a, a hun leh hmun i hriat pawh a \ul \hin ang. Hengte hi hria ila:

1.    K|P hi zirna ti\huanawptu ni lovin zirlaite tichaktu a ni zawk tur a ni. A ni \hin bawk. I zirlaiin a tuar khawpa i beih mai chuan Setana a inrawlh a nih ka ring. Nu leh pa \henkhat chuan an fate zirna an duhthawh luatah K|P-a inhman an phal lo hial \hin. Hei hi K|P member dik tak chuan sutchhiat tum tur a ni. K|P-a kan inhmanna hian kan zirna lamah min tih\hattir zawk se.

2.    K|P-a inhman avanga lehkha thiam loh phah an la awm lo tih hriat tlat tur. Tuar hunte pawh a awm mai thei, mahse Pathianin malsawmnain a vur ngei ngei tih ka \hian \ha tak takte nunah ka hre \euh mai.

3.    Zirna hi Pathian rawng kan bawlna hmanraw pawimawh tak; Pathian tana kan theihna pho chhuaktu pawimawh tak a nih avangin ngaihhlut tur a ni. Amaherawhchu, kan hringnuna thil pawimawh ber a ni bik lo va. A pawimawh ber chu Pathian a nihzia hi hre reng ila. Kan hlawhtlinin chapo nan hmang lovin leh hlawhchham hun a lo awm ve a nih pawhin beidawng mai tur kan ni lo tih hriat reng a tur a ni.  Pathian neitute chu a tawpkhawkah kan hlawhchham dawn lo a ni.

Tlangkawmna

           K|P dinchhan leh thiltumte hi inhawt phura tihhlawhtlin mai mai theih a ni lo tih a chiang a. Pathian Thlarau hruaina leh awmpuina kan mamawh nasa a ni. Chumi kawngah chuan Zirna hi Pathian duh dan huang chhungah chuan thil \angkai berte zinga mi a ni ngei ang. Kan rawngbawlna tur hi hemi tel lo hi chuan tunlai khawvelah a hlawhtlin tur angin a hlawhtling thei dawn lo a ni hial awm e. Zirna leh Thlarau rawngbawlna hi a inkalh lo va, inkawprem takin hmasawn zel turin a kal \hin. Mimal nunah leh K|P ang pawhin kan hmanraw pawimawh ber a ni zel dawn a ni.

                                                    Sawi Ho Tur

1.     Zirnain K|P a tih\huanawp theih dan a awm em?

2.     Kan K|P member zirlai ni si te hi an inhmang \ha tawk em? Nge, an inhmang nasa lutuk kan ti?

3.     K|P/Kohhran hian zirna hi ngai pawimawh thiam tawk kan ti em?

4.     Mahni zirlai ngai pawimawh lo K|P member \ha tak a awm theih ang em?

                                                              

                                                    *****RE270114*****

---

[1] Hei hi National Council of Churches in India thu chhuah a ni.

[2] James Orr, The Christian View of God and the World, quoted by John Stott, Your Mind Matters (Madras: UESI, 1990), 16,17.

[3] Thlarau lamah a san theih loh ni lovin, Thlarau thil hmuh thiam lamah harsatna a awm thei \hin tihna a ni.

[4] Heng rawngbawlna hna te hi thawh a harsat zawk fe dan pawh a awm ang. Mahse zirna ram a\anga thlir chuan a demanding lo deuh zawkin a hriat.