๐๐ก๐ฎ๐ฉ๐๐ค ๐๐จ๐ฉ๐ฎ๐ข ๐ : ๐๐๐ ๐๐๐๐๐๐ ๐๐๐๐๐๐๐๐
Lal Isuan vana a lawn dawna ‘Thupek Ropui’ a peka kan tih tur min hrilh hmasak ber chu ‘Kal ula,’ tih hi a ni. Thil dang zawng zawng kan buaipui hma, thupek dang kan dawn hma, sermon kan thlak hmaa pawimawh hmasa ber chu kal chhuah a ni. I kal chhuak a nih chuan i awmna ngaiah i awm lovang tih a chiang bawk. Chรชt chhuahna nun a ni a. He thupek ropui hi i zawm dawn a nih chuan i awmna ngaiah i awm thei lovang. Chumi thuah chuan tunge chiang ber chu kan Lalpa kha a ni. Mahni awmna hmuna ei hmu, nih tur ang ni thei chu vawk chiah hi a ni awm e. A thu hnรปr a, zing leh tlaia ei tur lo thleng a ei hlawih hlawih a. A chawei a tui poh leh a neitu a lawm. Mahse a tawpah eng nge thleng? An talh keuh. A sa an ser miah miah mai. I nihna ngai, i awmna ngaia awmin he thupek ropui hi i tihlawhtling dawn lo. I awm hmun i sawn a ngai. Amaherawhchu, hetianga ka sawi hian ‘I pรชm a ngรขi,’ ka tihna a ni kher lรชm lo. Mahni in leh lo chhuahsan tura a koh che chuan i chhuah a ngรขi tih chu ...