RE Ralte

    1. Cessationist tih tawngkam hi a mawi lo angreng a. A ‘negative’ deuh hu  a. Pathian Thlarau Thianghlim hnathawh ring lo kan ang riau a. Chuvangin sawi fiah lehzual chu a ngai dawn a ni. Chhiartu pawhin uluk taka chhiarin ngun takin i lo ngaihtuah dawn nia. Cessationist tih hian thuang hnih lian deuhvah a then theihin ka hria. Pakhat zawk chu Liberal deuh tak leh Atheistic deuhva ‘Tunlai khawvelah hian Thlarau Thianghlim hnathawha ‘thil mak’ (miracle) a awm tawh lo, beisei tur pawh a ni lo,’ tih a ni a. He ngaihdan hi chu ka pawm hauh lo tih sawi chiang hmasa ta ila 2. Cessationist ka ni ka tih chhan chu Reformed Evangelical Cessationist te ngaihdan nia ka hriat angin ‘Tunlai khawvelah mak danglam deuhva Thlarau Thianghlim thilpek chang bik, a bik takin, ‘Tihdam theihna’, ‘Hrilhlawkna’ nei hi an awm tawh lo, tih hi ka pawm dan a ni. Mizo Kristiante tan ‘tawnghriatloh’ hi chu issue a tling lovin ka hria a, ka sawi thui lovang. An lo ‘tawnghriatloh’ bawrh bawrh a n...

  Kum sawm leh pali liam ta vawiin ni ang July 27 khan ka mi ngaihsan tak leh ‘Ka la kawm lovah chuan ka mi kawm chak ber’ ka lo tih thin rawngbawltu ropui John Stott chuan kum 90 niin Pa angchhungah a lo chawl tawh a. A thih hlim khan amah thlah nana thu ziah ka chak tehreng nen, eng emaw vangin ka hlen thei ta lo va. Rilrua a riah reng avang leh vawiin a thih champha lo thleng leh he column lo lan ni a insut fuh em avang hian ziah a lo rem ta riau bawk a. He Pathian mi ropui, Pathian tana inpe pumhlum, inngaitlawm tak leh hruaitu ropui chanchin hian i lo inkawm leh lawk teh ang u.   𝐉𝐨𝐡𝐧 𝐒𝐭𝐨𝐭𝐭-𝐚 𝐤𝐚 𝐡𝐦𝐞𝐥𝐡𝐫𝐢𝐚𝐭𝐧𝐚 𝐭𝐚𝐧𝐧𝐚 𝐥𝐞𝐢𝐥𝐮𝐧𝐠   Kum 1990 chho vela Mizo Kristian khawvel kha nuam angreng tak a ni. Rev Chuauthuama leh Upa Dr PC Biaksiama te vanglai tak tak kha a ni a. Pu Biaksiama kha a lar hmasa zawk a. Bible leh Science  kha larpui vet vet tak a ni. A chhiar apiangin kan ngaisang nghal ngawt mai zel a ni ber mai. Bible ...

Nimin piah January 11 khan state holiday meuh puangin ‘Missionary Day’ kan hmang a. Kan pioneer missionary te hlutzia leh khawvel pumpuia Chanchin Tha hril tur kan nihziain rilru a hneh thar hle. Chanchin Tha hlutzia leh hril hna pawimawhzia inzirtir hi a tul reng a, thangthar mi tha an inpek zel a ngai. Tun hnaiah hian kan uar tawk ta lo emaw a tih theih hial a. Khawvel dinhmun en hian Pathian khawngaihna avanga kan kawl Chanchin Tha  a mamawhzia  a chiang viau thung a ni. Chutih lai reng chuan he thil hlu ber kawltute hian kan thil kawl hi kan rula raw neih mai mai emaw tih theihna chhan tam tak a awm. Talent khat dawngtu anga utawk tur vawn ve ngawt hi Chanchin Tha nihphungin a kalh a, Chanchin Tha hrilin a ngeih loh ber a ni dawn si a. A nih tur ang tak hi ni zo sela chuan kan ram leh hnam hmel pawh a tidanglam uar uar tur a ni sia. 𝟏. 𝐌𝐚𝐧 𝐟𝐮𝐡 𝐚 𝐡𝐚𝐫 𝐚 𝐧𝐢𝐚𝐧𝐠 𝐞 Chanchin Tha hi kan ram leh hnam lipse vektu tur a ni tih hi man fuh harsa kan ti thin khawp mai....

Rawngbawlpuite duhsakna changin January 9-13, 2023 chhung khan SEANET XXIV Mission Conference on ‘Diaspora: Opportunities and Blessing’, Chiang Mai, Thailand-ah ka han tel ve hlauh mai a. Ka hlawkpuiin nuam ka ti hle a ni. Chanchin Tha hril tura ram danga pen chhuak ngatte (missionaries) te leh Chanchin Tha hril dan tur zir chiangtute (missiologists) kara khawsak chu min chotu thil a tam duh hle a. SEANET inkhawmpui hi a tum 24-na lai a ni tawh a, mission lam lehkhabu rotling tak tak an chhuah nual tawh a. He South, Southeast, and North Asia Network hi pawl nghet tak anga inbun ni lovin Asia rama Buddhist khawvela Chanchin Tha hril vei thenkhatin an buatsaih thin a ni zawk a. Kuminah hian Asia mi ram hran hrana pem darh thinte chu Chanchin Tha hrilna kawnga remchanna tam tak thlentu leh malsawmna an nih dante kan ngaihtuah ho a ni ber mai. 𝐊𝐡𝐚𝐰𝐯𝐞𝐥𝐚𝐡 𝐂𝐡𝐚𝐧𝐜𝐡𝐢𝐧 𝐓𝐡𝐚 School kan kal lai chuan Asia hi khawmualpui zinga zau ber a nih thu kan zir thin a. Mahse Kristian p...

    Mizote Thlarau nun hriat thiam dan chu - piantharna, Kohhrana hlimna leh missionary tirh chhuah hi a ni mai awm e. He dinhmun atanga hmasawn hi a har khawp mai. Pianthar hi a pawimawh bera kan hriat avangin piangthar tawha kan inngaih chuan kan lungawi tawk tlangpui a ni. Kohhrana hlimna a thlen chuan kan lawm a, missionary kan tirh lehzel phei chuan kan mawhphurhna leh kan nih dan tur tlak tha thawkhat viauin kan inhria tih theih a ni. Kan Lalpa’n tawk ti tak ang maw? Thupek ropuia Isuan ti tura a tih pahnihna chu, ‘Hnam tina mi zirtirah te siam ula,’ tih kha a ni a. He thupek a pek laia Isua rilru luahtu chu ‘Kristian pun thur thur’ piah lamah, ‘piangthar tam’ buaipui lova, ‘thlarau mi hrin teuh’ ni ber lovin ‘ zirtira siam ’ a ni mauh mai. A awmzia pawh a ril hle awm asin.   Tawngkamin min bum fo Tunlai Kristiante zinga tawngkam lar ber leh kan thlarau nun tehfung atana kan hman rim ber chu ‘piangthar’ tih hi a ni a. Piantharna dik tak chu duhawm, hnawl theih...