RE Ralte

  Zu mawlh mai hian Mizote rilru a luah hneh ni tur a ni. A khat mawi tawk hian kan sawi deuh laih reng a. Ngaihdan neih sa han sawh sawn duh lah kan awm tak tak lem lo ni tur a nia. Chutih laiin zu chuan ama nihna a sawh sawn thei miah lo va, kohhran pawhin ‘tha chu tha, tha lo chu tha lo’ a tih reng a ngai a. Zu chungchanga ngaihdan sawh sawn theitu ber chu sorkar hi a ni a. A thiltih hi kan thlir thup thin chu a nih ber hi. Thenkhatin phalrai se an duh laiin a then erawh chuan khap hmin hmiah an duh reng bawk a.   Zu   Zu that lohzia hi chu sawi nawn a ngai lo. A in thang, a ngawl veite hlei hlei hian tha an ti lo a ni awm e. Mihring a pawh hniam nasat theihzia leh chhungkua a tihchhiat nasat theihzia hi ‘proof’ kan neih tam pawl tak a nih hmel a. Kan tu kan fate in tura kan duh loh thil chu kan ram tan a tha lo tihna a ni mai tih pawm ngam ila. Kan nupui/pasalte in kan phal loh chuan tumah hi in tur pe bik lo ila, tih hi kan thupui tur a ni ang. He ramah h...

    Nikum khan India film star lar tak Sunny Deol (hrang hlui film star lar Dharmendra fapa), rei tak film chang tawh lo   chuan film pakhat a release a. Tar hnuah beisei bakin a hlawhtling a, a hit rem rem hle mai. Thu tam tak zawta an interview kara a thil sawi pakhat rilru a tawk zar mai chu zu chungchang a chhanna kha a ni. Ani chuan, “Zu ka in ngai lo va. In tulna ka hre bawk lo. Tunhma deuh khan engtin nge a awm tih chu ka chhin ve tawh a. An sawi uar ang hu hian eng tehchiam a ni lem lo e,” a ti. Filmstar lar fapa, ani pawh filmstar hlawhtling ber pawl thu sawi atan chuan a mak ka ti a. Zu te chu in ve mai thin tura ngaih theih a nih laiin, a lo in ngai miah lo a ni awm e. Filmstar nih vanga in ngawt pawh a lo ni lem lo!   𝐀 𝐧𝐠𝐚𝐢𝐬𝐚𝐧𝐠 𝐥𝐚𝐤 𝐥𝐚𝐰𝐡 𝐡𝐨 Mizote hi zu ngaisang tak hnam kan niin ka hria. Kan state han pel hlek ila in ngei ngei kan tum emaw tih tur hian mualpho khawpin kan khawsa fo. Zu zawrh leh zawrh loh chungchangah pawh h...

                       Kristianna leh  Khawtlang Nun Sual Do Hi Lazara thih leh kaithawh chung chang Johana 11-a kan chhiarah hian thil ngaihtuah tham tak tak a inzep teuh mai. A hmangaih Lazara a thih avangin Isua meuh pawh ‘a tap’ tih kan hria. Tin, chang 33-ah ‘a rilruin a rum a, a lungngaia’ tih kan hmu bawk. Rilrua rum (chang 38-ah kan hmu leh) tih lo chhuahna tawngkam tak chu brimaomai (gk.) , bawng kawlh a hmaa mi si mai tura lei hai hriau hriau chunga inhrosaa phin sawina hi a ni. Isua chu a Pa siam leiah a lo piang a, chu lei chu a Pa atanga chhuak ang ngei a mawi, duhawm, fel fai leh nunna awmna tur a nih laiin tuarna, sualna, buaina leh thihna a hmu zawk a. A thlarau a rum a, a thin a ur pawh a ni ang. Bawng kawlh thinur ang maiin a phin dut dut a ni. Kan khawtlang nun kan enin Kristiante rilru put dan tur chu kan Lalpa rilru put dan brimaomai hi ni awm tak a ni. He brimaomai rilru ngat hi chuan awmzia...