𝐈𝐍𝐃𝐈𝐀𝐍 𝐑𝐄𝐏𝐔𝐁𝐋𝐈𝐂 𝐋𝐀𝐌𝐓𝐋𝐔𝐀𝐍𝐆
Republic Day 71-na chu kar leh thawhlehniah khian kan lo thleng leh dawn ta a. US politics-a Democrats nge Republican tih buaipui chiam chiam ai chuan kan ram ngei dinhmun leh awmzia hi kan vei a sawt zawk ang tih a chiang reng mai. Mi huana thei kung leh mahni huan ngeia mi anga inhlut hleih a ni mai thei. America sorkar danglamin min khawih chet tel dan a nep viau laiin pa berin kan rizai inzawn a inherpui chuan a sir lehlama mu chu vawt tiin kan khur hlawk hlawk mai dawn tih a chiang reng si. Kum 71 hnuah hian Indian Republic, mahnia ro inrel hi eng ang chiah nge a nih tak? Khawvela democracy lian ber hi eng kawng nge kan zawh mek? tih hmuh phak tum thin ang u hmiang. A tir ami ang kha a hlat ta hle Vawiina kan ram hruaituten India ram an sawi dan leh kum 71 hmalama hruaituten an sawi dan a danglam tawh tak zet tih hi kan hai palh a hlauhawm a ni. India zalenna sualtu Mahatma Gandhi, Jawaharlal Nehru leh midangten din an tum hnam zawng zawng, sakhua zawng zawn...