RE Ralte

Kristian magazine chhiar hlawh ber pakhat  Christianity Today  Editorte zinga naupang ber pawl Collin Hansen-an 2006 issue daih tawhah khan John Calvina zirtirna lar thar chungchang, ‘Young, Restless and Reformed’ tih thupui hmangin article a ziak a, mi beng a verh deuh ni tur a ni kum hnih hnu 2008-ah lehkhabu puitling  Young, Restless, Reformed: A Journalist’s Journey with the New Calvinists  ti hming puin a chhuah ta hial a. Hansen-a hian America rama Calvinism a lar chhoh dan leh Baptist kohhrante (Calvinist lem lova ngaih thin) te meuh pawhin an tuipui dan a sawi a ni ber a. Heti lam tuipui deuhte tan chuan ngaihnawm tak a ni ve tlat mai. 𝟏. 𝐂𝐚𝐥𝐯𝐢𝐧𝐢𝐬𝐦 𝐡𝐢 𝐭𝐡𝐢𝐥 𝐭𝐡𝐚𝐫 𝐚 𝐧𝐢 𝐥𝐞𝐦 𝐥𝐨 Calvinism hi thenkhat chuan Reformed Theology an ti mai bawk a. A hming atang reng hian Kohhran Siamthat ‘Reformation’ hun lai atanga Protestant te innghahna thurin leh Pathian Thu zirtir dan a ni tih a hriat mai a. Tunlai thangtharte chuan zirtirna dang deuh huh...

  Thlarau thil hi Mizote tuipui nasat tak pakhat a nih kan hria. Biblein ‘thlarau nazawng’ a tih ang chi hi a awm ve tho tih kal kan thakin kan buaipui a. Thlarau Thianghlim a nih leh nih loh kan fiah ngam lo fo a, tihsual hlauh avanga fimkhur hle awm hi kan fimkhur ngam lo letling thin a ni. Chuvangin vawiina Mizoten kan mamawh chu Thlarau Thianghlim leh a hnathawh hriatna dik a ni lo thei lovang. Thlarau Thianghlim hi minung a nih a, ze nei a nih ngat chuan (a ni ngei bawk a), a hnathawh pawh ‘thlarau nazawng’ hnthawh   laka kan thliar hran thiam a pawimawh em em a ni. Thlarau Thianghlim theology fumfe tak kan neih a ngai tihna a ni a. Chumi kawngah chuan a ni John Calvina hi ka ngaihsan em em. Thlarau Thianghlim leh a hnathawh a sawi dan hi a chiangin a fun kim hle a ni tih a lang.   Kan chiang lo Thlarau hruai nun leh ‘thlarau mi’ nihna hi kan ngaihtuah fo a tul ngawt mai. Protestant zidingin Thlarau Thianghlim kan inzirtir dan pangngai piah lama harhna leh hlim...