𝐑𝐈𝐍𝐍𝐀 𝐇𝐋𝐀𝐔𝐇𝐀𝐖𝐌 𝐂𝐇𝐈
Communism tichhuaktu Karl Marx-an, “Sakhua hi mipuite ruihhlo a ni,” a lo ti na mek mek bawk a, vawiin thleng hian ruihpui a la awl ni tur a ni. Mi puitling tak nia ngaih theih zingah ngat pawh hian sakhaw thila bum awl tak, a dik leh dik loh, a rintlak leh tlak loh pawh chhut ngam mumal lo kan tam khawp mai. Heti a nih vang nge ni dawn ni Mizo Kristiante zingah hian rin dan leh pawm dan a tam em em mai a nih hi. Rilru hmang thei pangngai tana awih hleih theih loh turte pawh hi a buaipui pawl kan lo awm thei zel a. Kan beng kan tun hru mai a. Tihsual kan hlauh luatah kan tisual palh ang tih pawh kan dawn ngam lo. Mi tam takin Pathian hming an chhal a nih chuan eng tih pawh thiang veka hriatna an nei emaw tih mai tur a ni. Eng vang tak ni ang maw? 𝐑𝐢𝐧 𝐡𝐮𝐚𝐢 𝐚 𝐫𝐨𝐩𝐮𝐢 𝐛𝐞𝐫 𝐥𝐞𝐦 𝐥𝐨 Thenkhat chuan Pathian hming chhala thil tih leh thleng apiang lo awih zung zung leh pawm hmiah zel mai hi rinna dik emaw an ti a. Chutiang mi nih chu thlarau thila sanna emaw tiin an inchhu...