𝐊𝐎𝐇𝐇𝐑𝐀𝐍 𝐂𝐇𝐔 𝐊𝐎𝐇𝐇𝐑𝐀𝐍
𝐓𝐡𝐮𝐭𝐚𝐤 𝐛𝐚𝐧 𝐥𝐞𝐡 𝐢𝐧𝐧𝐠𝐡𝐚𝐡𝐧𝐚
Kohhran dintu thawhhlawk Tirhkoh Paula hian Kohhran hi a dah sang hle, ‘thutak ban leh innghahna’ tiin a hrilhfiah hial a ni (I Tim 3:15). Ko
hhran nih dan tur dik tak atanga a sawi a ni ngei ang. Kohhran hi lei kohhran a la nih miau a, suala tlu tawh mihring kan la nih miau avang hian duhthusam ram, a nih dan tur ang tak nih erawh a har hle. Kan rel khawm let let a, kan tih ho dal dal tawh chuan mihring mihrinna hi a lo lut thuai mai a. Kan mihring duhzawng leh Pathian rilru thliar hrang thiam lo tan phei chuan hriat leh chet sual theih tak a ni. Thutak ban leh innghahna a nih zel theih nan memberte an tan mar pat a ngai thin.
hhran nih dan tur dik tak atanga a sawi a ni ngei ang. Kohhran hi lei kohhran a la nih miau a, suala tlu tawh mihring kan la nih miau avang hian duhthusam ram, a nih dan tur ang tak nih erawh a har hle. Kan rel khawm let let a, kan tih ho dal dal tawh chuan mihring mihrinna hi a lo lut thuai mai a. Kan mihring duhzawng leh Pathian rilru thliar hrang thiam lo tan phei chuan hriat leh chet sual theih tak a ni. Thutak ban leh innghahna a nih zel theih nan memberte an tan mar pat a ngai thin.
Kohhranah hian thutak leh mihring thu thliar hrang thiam kan tam a pawimawh hle a ni. Mi chi hrang hrang awm khawm leh finna leh thiamna inchen lo tak tak inpawlh kan nih avang hian khawvel zia a la lang hma thin tih hriat reng tur a ni ang. Hetah chiah hian thlarau leh tisa chu a bang lovin a insual thin a nih hi. Kohhran hi hmuh thlarau tum lutuk chuan bei a dawng dawn mai thin a; hmuh khawvel lutuk tum dawn ila thutak ban a ni ngur mai si a ni. Chuvangin kan nihpui ang anga thutak ban leh innghahna a nihna hi phur chhuak zel a ni hran lova, a member zawng zawngten chutiang tak a nih theih nana tang reng tur kan ni zawk.
𝐀𝐧 𝐭𝐢𝐬𝐮𝐚𝐥 𝐟𝐨 𝐭𝐚𝐰𝐡 𝐚
Kohhran hi mi tam takin hmanruaa hman an tum tawh thin a, an tum zel bawk ang. Kristian tamna ramah chuan Kohhran a lo chak a, tam takin mahni dinhmun siamna hmanrua atan hman an tum nasa thei viau awm e. Member an tam chuan sum pawh a lo tam a, a thuhnuaia awm mipui pawh an lo tam avangin awmzia a lo nei thuiin thiltihtheihna pawh a lo sang a; Pathian lam ngaihtuah lem lo tan pawh dinhmun tha leh beisei tlak a lo ni thei mai a ni. Hemi thangah hian mi tam tak an awk reng a, hemi game kheltute hi Kohhran tithuanawpna lama thawhhlawk tak an ni thin. Kohhran nihna pawh pha lote chuan Kohhrana dinhmun tha nia an ngaih an chan hian mahni indahsan leh inngaihropui an awlsam bik a, Setana thangah an awk thin a ni.
Political party mawlh mai hian Kohhran chu hman tangkai an tum nasa thin a. Democracy ramah phei chuan Kohhran mite hian chu chu man fuh a tul hle thin a ni. Fim takin eng hi nge Pathian Thu chin leh chin lo kan thliar thiam a ngai a. Kohhran chu khawvel piah lam thilin control tlat a ni tih hriat a tul. Khawvelin hun thim ber a tawh lai nia sawi theih Indopui III-na hun lai khan tisual fe fe an tam tawh khawp mai. Adolf Hitlera khan German Evangelical Church kha a thuhnuaia a dah titih a. German Kristian tam tak chuan German nationalism leh Kristianna an chawhpawlh nasa hle. German nationalism hnuaiah Kohhran chu a khung der mai a, mi tam takin an tuipui a, an kal sual a ni. Tun thlenga an zah ngawih ngawihna tur thil a thleng hnem hle tih thangtharin kan hai lo.
𝐊𝐨𝐡𝐡𝐫𝐚𝐧 𝐜𝐡𝐮 𝐚𝐦𝐚𝐡𝐚 𝐝𝐢𝐧𝐠 𝐚 𝐧𝐢
Kohhran chu tuman an thunun tur a ni lo va, eng dang mahin a pawlh dal tur a ni lo. Pathian duhzawng a zawng ang a, chutiang zelin ro a rel ang a, thil a ti thin tur a ni zawk. Eng political party mah tan bik a nei thei lo va, eng economic policy mah zawl bik a nei tur a ni lovang. A khawvel hmachhawn ang zela thil dik lo apiang hnawl a, kawng dik kawh hmuhtu a nih a tul. Heti a nih avang hian ama chhungah pawh a inthlitfim a tul nasa em em bawk a ni. Tehfung sang tak hman a ngai thin. Hun puma rawngbawltute leh nemngheh rawngbawlna kawl chin (Pastor leh Upa) te phei chuan Kohhran hi Kohhran a nih loh palh hlauh hle tur a ni mai.
Thenkhat chuan Pathian Thua mi hnehna hmanrua atan hnam rilru an hmang tangkai thin a. Mizote ngei pawh Pathian hnam thlan nia inhriatna min tuh thiam hle thin. Hnam rilru hi kan neih nasat sa a nih miau avangin mi hnehna atan hmanraw tangkaia hman thiam chu a hlu viau thei ang. Amaherawhchu, rah pelh palh a hlauhawm tih erawh hria ila. Pathianin hnam tin awm dan tur a duang vek a, amah tihtu hnam chu mal a sawm ngei ngei dawn tih hre mah ila chutiang taka min thlan bikna chhan leh hnam dang a thlan loh chhan tur chu a vang hle thung a ni. Tin, Pathian chu kan hnam innghahna tlak ni chiang mah se, kan hnam bil tan chauh a ni hauh lo. Chu thu chu kan hriat a ngai thin a ni.
𝐊𝐨𝐡𝐡𝐫𝐚𝐧 𝐜𝐡𝐮 𝐊𝐨𝐡𝐡𝐫𝐚𝐧 𝐚 𝐧𝐢𝐡 𝐚 𝐧𝐠𝐚𝐢
Kohhran chu Kohhran a nih zel theih nan Kohhran chhunga miten mawhphurhna hlu tak kan nei a. A nih ang tur a nih hian a ropui ber tih leh Pathian duh dan a ni tih hai loh tur a ni. Hnam rilruin thunun lo sela, hnam tin tan a ding tih nghilh loh tur ni mawlh rawh se. “Kohhran hi a member lote hlawkna tura ding pawl awmchhun a ni,” an tih hi a dik hmel khawp mai. A dotute thatna tura thawk thin, a tiduhdahtute rawngbawlsak thin tur pawl a ni miau a! He pawl hi chu a roreltuten duh ang anga ro an rel thian lohna pawl leh ro rel lova awm theih si lohna pawl a ni a. A hotu berte chu rawngbawl saka awm lo va, an hnuaia mite rawng bawl tur an nihna hmun a ni. Khawvel nen a va inkarakik thin em!
Miten thutak an zawna an hmuhna tur, dikna laltiangin ro a relna tur, van leh lei zawm tlattu chu Kohhran hi a ni. Tumah hlau si lova mi chi tin zah thiam, tumah hnawl nei hauh si lova pawm loh chin fiah taka lantir tur pawl a ni. Thawhlawm pawimawhzia zirtir reng chunga sum leh pai thiltihtheihna chhuang miah lo tur pawl kha a nia. Hotute chu chhiahhlawh an nihna hmun tur an nih lai renga thu nei thiam lo chu hruaitu tha nih hleihtheih lohna hmun a ni tel tlat tho si hi a makna a ni a. Chuvangin, van leh khawvel, Pathian thil leh mihring thil inkawpna hmun, thlarau leh taksa then hran hleihtheih lohna Kohhran hi Kohhran ni zel rawh se.
*****
Comments
Post a Comment