RE Ralte

  Nula leh tlangval fel dun tak mai, kohhran leh khawtlanga akul ataia tang thin leh hmelhriat leh duhsaktu ngah angreng tak an inngaizawng ve tlar tlar a. Kohhran lian thawkhat takah an lawi ve ve bawk a. Inneih an tum meuh chuan harsatna lian tak an tawk a ni reng mai. Chhungkaw khawsak harsa ve thawkhat taka mi an ni dun tlat mai a ni. Biak In hawng ngeia inneih chu an duh a, mahse engtin nge ni ta ang? Lehkha kar 2 chhung tal tar a tul dawn avangin zep theih a ni lo. KTP/YMA hruaitu chanvo an chan phak avangin   thawhpuite thlim ngawt leh duhsaktu tam tak kal kan chu an tan harsa eltiang a ni. Thil dang ngaihtuah loh pawhin inneih ni hi chuan a tlem thei ang bera chhutin mi 300 -400 tal hrai an ngai a. Hetiang mi tan hian Pathian leh Kohhran duh dan taka Biak In hawng si a, hautak lo tak, mi tam tak hriat si lohva inneih fel then dan a awm em? Kohhran inneih dan kan hman mekah te hi chuan a awm lem lovin a lang.   Sen tlem leh hautak lo taka inneih hi Kohhran le...

Pathian Lehkhabu kan tih Bible hi Isua Krista chanchin ziahna a nih mai lai hian a dam lai hun leh thih chungchang inziahna bik bu 4 a awm a, chungte chu ‘Chanchin Tha’ tih bik an ni a. A ziaktute hi mi hrang hrang an nih avang leh an thil sawi danglam hret hret avang hian sawisel duhtute tan an duhna tihhlawhtlin a awl phahin a lang fo. Amaherawhchu, mi chi hrang 4-in thluk dan chi hrang deuhva thil pakhat sawia thutlukna inang vek tho sia an sawi thei hi a tingaihnawmtu leh tihlutu a ni zual a. Ngaihnawm piahlamah tihausatu leh thlarau nun zirlai titamtu a ni zawk a ni. Kristian hmasa berte khan Lal Isua kha lo kal leh mai tura an ngaih ngheh em avangin a chanchin ziah lam chu an ngaihtuah pha lo hle a ni awm e. Huaisen tak leh nghakhlel takin Isua lo kal tur an nghak mai a nih kha. Neih zawng zawng keng khawmin hmun khatah an cheng ho thul! Amaherawhchu, chuti maia a lo kal leh tak loh avang chuan ziaka dah ngei tul tihna a lo awm ta a. Ziaktu hmasa ber anga ngaih tlanglawn ber chu ...

Pathian thu ngaihven vak lem lo tan pawh khawvel mihring khawsak dan phung hriat tum tan chuan Kohhran zeizia hriat ngei ngei a ngai thin. Kristian tamna ramah phei chuan ngaihthah theih a ni lo. Mimal nun leh khawtlang huapa Pathian duhzawng ngaihven thintu tan phei chuan Kohhran nihna leh thiltum hriat chian hle a tul. A chhan pawh a tir atang reng khan Kohhran hian Kristianna lailum a luah tlat a, sawi hran theih a ni mang lo. Rawngbawlna thinlung dik neitu phei chuan Kohhran hi a hmangaih lo thei lo a, a nih dan tur a nih zawh loh hi a hlau zek zek thin a ni. Engtik lai mahin a la famkim ngai si lo va. 𝐓𝐡𝐮𝐭𝐚𝐤 𝐛𝐚𝐧 𝐥𝐞𝐡 𝐢𝐧𝐧𝐠𝐡𝐚𝐡𝐧𝐚 Kohhran dintu thawhhlawk Tirhkoh Paula hian Kohhran hi a dah sang hle, ‘thutak ban leh innghahna’ tiin a hrilhfiah hial a ni (I Tim 3:15). Ko hhran nih dan tur dik tak atanga a sawi a ni ngei ang. Kohhran hi lei kohhran a la nih miau a, suala tlu tawh mihring kan la nih miau avang hian duhthusam ram, a nih dan tur ang tak nih erawh a har ...

Manipur buaina chuan thla thum zen zawn a awh ta. Reh lam lah chu a la pan chuang si lo va, a pawi hle mai. Thenkhat chuan he buaina hian hmasawnna kawngah Manipur state hi kum 20 velin a hnuk let dawnin an sawi. Tunah hian remna pawh lo thleng ta se ngai awh leh turin hun duh rei ngawt ang le. Buai that lohzia leh tu tan mah a hlawk ber lem lohzia hi zir chhuak hlawm ila he thil tha lo tak atanga thil tha chhuak awmchhun a ni thei hial awm asin. Hetiang taka intualvuak leh inthah hmiah hmiah mai hi chu hmanlai changkan hma thil niin kan lo hre ngawt a, mihring thinlung sualzia hi kan ngaihaih thin a lo nih hi. Hmasawnna leh changkanna kan tihte hian a thinlung sual hi a titha zo lo a ni ber mai. 𝐒𝐢𝐥𝐞𝐧𝐜𝐞 𝐢𝐬 𝐠𝐨𝐥𝐝𝐞𝐧? He buaina chungchanga mak ber pakhat chu kan rama thuneihna sang ber neitu kan Prime Minister zahawm tak a ngawi tlat mai hi a ni. Thla 3 chhunga law & order a chhiat vek, dan mumal a awm tawh loh, pawhin ngawih a chuh tlat a nih hi. Tawng tam loh hi chu a...

Mizo Sunday School Union chuan kumin Puitling Sunday School zirlai atan “Kristiante Rinna Vawn Him” tih a thlang a. Thangthar tam tak chu an lawm viau laiin zirlai tam tak chu an phur chiam lem lo emaw tih theih turin phun deuh niah niah an awm fo mai. Hetiang zirlai kan neih hlutna hi kan su fuh lo hlawm deuh em aw? tih a awl rum rum mai thin a ni. He kan zirlai changkanzia hi hnam dang kan Kristianpuite hnena sawi nuam khawp a ni a, a pawimawhzia hi tih tak takna nena zirtuten an la hre zual zel dawn bawk a ni. Kum chanve zet zawt kan zir hnu hian hlawkpui lehzuala kan zir theih dan tur nia ka hriatte han chhawp chhuah tum ila. 𝐍𝐚𝐧𝐠𝐦𝐚 𝐭𝐚𝐧 𝐧𝐠𝐞𝐢𝐚 𝐳𝐢𝐫 𝐭𝐮𝐫 𝐚 𝐧𝐢 𝐞 Rinna vawn him chungchang hi ringtu pangngai, rinhlelhna pawh nei lem lo tan chuan zir ve tul vak lova hriatna a lian duh khawp mai a. Chumi thangah chuan kan awk tlang deuh theuh emaw tih theih a ni. Apologetics (Rinna hum him) thil hi Pathian awm ring lote emaw, rinhlelhnain a tlakbuakte emaw chanvo bik...

Manipur hi Hindu ram tih theih khawpa Hindu sakhuain phai rama mi tam zawk Meitei kan tihte a chiah hnehna ram a ni a. Tlangrama chengte erawh chu Kristian an ni thung. Kum zabi 18-ah khan meitei Lal Pamheiba’n a ram sakhua atan Vaishnavism (Hindu pathian Vishnu biakna) a lo puang tawh a. Chu chu 1891-a British hovin an rawn hneh thleng khan a ding a ni. Meitei ho chuan Hindu pathian Lord Arjuna thlah niin an inchhal a. Hindu lal pakhat Maharaja Churachand Singh-a hovin 1934 khan sakhaw thil enkawltu leh tichaktu atan Nikhil Hindu Manipuri Mahasabha an lo din daih tawh a ni. 𝐌𝐚𝐧𝐢𝐩𝐮𝐫𝐚 𝐬𝐚𝐤𝐡𝐚𝐰 𝐛𝐞𝐭𝐮 𝐡𝐫𝐚𝐧𝐠 𝐡𝐫𝐚𝐧𝐠 Khawtlang nun leh sakhaw thil pawh a lo danglam ve zel a. Kum 1981 atang khan kum 20 chhung chauhvin Hindu ho hi 70% atanga 45% in an kiam a ni awm e, hei hian Hindu intellectual ho ngeng a chhun hle a ni awm e. He thil thleng hi Meitei ho sakhaw hmasa Sanamahi a lo lar tak vang leh Kristian pun vang a nih ngei a rinawm. Kum 2011 Census-ah khan Hindu...

  Hla ropui tak tak phuah thei an rawn chhuak reng mai hi Mizo Kristiante vanneihna hlu tak a ni a. Fakna hla Mizo irawm ngeia phuah tam tak phei hi chu Saptawnga lehlina khawvel puma sak lar phu tak takte pawh an niin ka hre thin. Thangthar mithiam an rawn chhuak zel ang a, chutiang thilte pawh chu a la thleng turah ngai ila. Mahse tuna ka sawi tum tak erawh hi chu chutiang lo lam deuh. Kan hla phuahtuten rilru dik taka an phuah ngei nia ka hriat ve tho, mahse a thuin a kawh fuh lo tak a awm thin te hi a ni a. Thenkhat phei chu kan rilrua tuh ngheh tur chuan a pawi hial em aw, tih theih a ni. Hla thute hi a ngial a ngan lak vak vak tur an ni lem lo tih hre reng thovin ti ti hmanrua atan han hmang chhin ta ila:   𝐇𝐥𝐚 𝟏-𝐧𝐚: “𝐊𝐚 𝐏𝐚𝐭𝐡𝐢𝐚𝐧 𝐧𝐢 𝐚𝐰𝐦 𝐫𝐞𝐧𝐠 𝐢 𝐧𝐢 𝐬𝐢”   He hla hi sak a nuam phian a, mahse a hlain a uar lai ber ‘Ka Pathian ni awm reng i ni si’ tih lai sak hi ka tim tlat thin. Mi tam tak chuan a dik lohna lai an hmu miah lovang, mahs...