Posts

Showing posts from October, 2023

๐ƒ๐”๐‡ ๐ƒ๐”๐‡ ๐•๐Ž๐“๐„ ๐“๐‡๐„๐ˆ ๐Š๐€๐ ๐๐ˆ ๐„๐Œ?

Image
Inthlang ram nih manah kan ram hruaitu pawimawh berte kan thlang leh dawn ta chu a nia. Hei hi Democracy hlutna leh mipui mawhphurhna sanzia lanna a ni. Mihring chanchinah hian ram hruaitu thlan hi hmanni lawka an chin a ni a. Tunah pawh hian khawvel ram 167 zinga 72 chauh hi democracy ram tak taka chhiar theih niin an sawi. Chuvangin, kum 5 hnua kan inthlang leh thin hian mipui hnuaia politiciante leh ram rorelna a awmzia a tilang a. Mipui duh dan hi namnul mai mai a theih lohzia a hril chiang hle bawk a. Ram mi puitling chin chuan ram kalsiamah kan duh kan tih theih vena hun pawimawh a nih miau avangin a hlutzia hria a, thil ho te avanga tibawrhbang lo turin kan infuih a ni. ๐‘๐จ๐ซ๐ž๐ฅ๐ญ๐ฎ๐ญ๐ž ๐๐š๐ญ๐ก๐ข๐š๐ง ๐ซ๐ฎ๐š๐ญ? Tirhkoh Paulan โ€œRoreltua awmte hi Pathian ruat an ni,โ€(Rom 13:1) a tih kha chai a hlawh fo thin. Ei loh fe fe mai bakah Pathian hre fuh lo tak tak roreltu hmuh deuh zut hnuah phei chuan awih a har hle awm asin. Paula sawina dinhmunah phei kha chuan Kristiante tan awih a...

๐Œ๐ˆ๐™๐Ž๐“๐„ ๐“๐‡๐‹๐€๐‘๐€๐” ๐๐”๐ ๐Š๐€๐‹ ๐’๐”๐€๐‹

Image
Mizo Kristianna hi kum 100 chuang awrh chauha upa a ni chung hian zirtirna danglam tak tak a lo chhuak a, min tibuai deuh rap rap reng mai a ni. Phurpui pawl kan lo awm reng bawk. Heti em ema Mizote kan โ€˜thlarauโ€™ leh Kohhran zirtirna ziding pangngai kalsan kan hreh lo thin hi thil mak tak a ni. Kan hnam rilru puthmang ve hrim hrim emaw tih mai theih a ni. Pawl chhuak em kan nih loh pawhin โ€˜thlarauโ€™ ramah hi chuan zalenna mak tak awm tur leh chutiang hmua inngai ngaihsan biknate hi kan nei fer furin a hriat a ni. Thlarau nuna thiltih vawrh chhuah tum dan hrang hrang lo awm tawhte han en lawr zawk teh ang. ๐“๐ฅ๐ข๐ซ๐š ๐ณ๐ข๐ซ๐ญ๐ข๐ซ๐ง๐š Thiltih piah lam thlarau nun zirtirtu hmasa ber chu Tlira (1876-1952) a ni. Ani hian zuitu engemaw zah a nei hial. A zirtirnaah chuan mihring zinga sualna lo awm thin โ€“ inngaih leh rukruk te, zu ruih leh zu hmun hlimna te, sualna chi dang zawng zawng pawh hi, sual chu a ni ngei; mahse heng hian chhandamna a khawih pawi phak lo. Chhandamna khawih pawi phak ch...

๐๐€๐“๐‡๐ˆ๐€๐ ๐‡๐ˆ ๐Š๐€๐ ๐‡๐‹๐€๐” ๐‹๐Ž ๐“๐‡๐ˆ๐ ๐Œ๐€๐๐† ๐“๐€๐Š ๐„

Image
Inthlan a lo hnai a kan ze zahpuiawm a lo lang leh ta tuam tuam mai. Kan sawi Pathian Thu nia a lan lai rengah pawh kan duh zawnga kan her thinzia leh mahni inhaivur duhnain min hneh hlawmzia a lang thin ka ti lo thei lo a ni. Mizote hi Pathian Thu duh tak hnam kan niin an sawi thin, a dik pawh a dik ang. Pathian thu hria nih pawh kan chak tlang viau a nih hi, chutiang mi chu kan ngaisang bawk a. Mahse kan mihrinna hi a lang hma ve thin ngawt mai. Politics ruama thuneihna leh hamthatna te hi, kan han it nghal ngawt a, thlarau thil mi aia hre turu deuh nihte hi kan han tum ve leh ngawt a, Pathian hming chhalin kan han tizui lehnghal! Chung Pathian hian engtin tak min ngai ang maw? ๐™๐š๐ฐ๐ฅ๐ง๐ž๐ข ๐š๐ง ๐ฉ๐ฎ๐ง๐  ๐ฅ๐ž๐ก ๐ญ๐š A lehlam zawnga ngaihtuah chuan a nuihzatthlak zawk hial mai. Pathian zawlnei han nihte hi milar (celeb) nihna ang deuhvah kan ngai a, kan rilrua lo lang kan duh zawng apiangte Pathian hnen atanga dawn angin kan sawi miah miah mai zel ni tur a nia. Dinhmun tha beiseiin ...

๐“๐ˆ๐‡ ๐‡๐Ž ๐‡๐ˆ๐€๐ ๐Š๐€๐ ๐‚๐‡๐€๐Š ๐™๐€๐–๐Š ๐™๐„๐‹ ๐‘ป๐™๐™ช๐™๐™ง๐™ž๐™ก๐™ฉ๐™ช 4:9-12, ( ๐—ก๐—˜๐—œ๐—–๐—– ๐—ง๐—ฎ๐˜„๐—ป๐—ด๐˜๐—ฎ๐—ถ ๐—ฅ๐˜‚๐—ฎ๐—น ๐—ก๐—ถ ๐Ÿฎ๐Ÿฌ๐Ÿฎ๐Ÿฏ ๐—ฃ๐˜‚๐—ฎ๐—น)

Image
North East India Christian Council tana tawngtai rual ni, kum tin October Pathianni vawi thumnaa neih thin chu vawiin October 15 hi a lo ni leh ta a. Hemi niah hian NEICC hnuaia kohhran zawng zawngten NEICC tan Pathian an au ho thin a. Northeast khawpui 9-ah kohhran pawl hrang hrang Pastor leh Upate inluhthelhin Pulpit Exchange an tih program hmangin mahni pawl Biak In ni lovah thu an va sawi thin a, an hlim ve thei hle a ni. Hemi niah hian NEICC rawngbawlna atan thilpek lak khawm thin a ni bawk a, hei hi NEICC chet velna kawngah a pawimawh hle. Hetianga tih hi thil thar a lo ni lo va, kum 1947-a an lo rel daih tawh kha a ni. Hemi ni hian NEICC office lam atanga thupui an thlan chu thuhriltuten an sawi thin a. Kohhran thenkhatin remchan zawkna avangin thupui an lo siam a nih pawhin thil thaah ngai tho ila. Kumin thupui chu, โ€˜Kan tihho hian kan chak zawkโ€™ (Stronger Together) tih a ni a, a chang tlawhchhan pawh Thuhriltu 4:9-12 a ni nghe nghe. NEICC chuan tihhona boruak hi a hlutzia leh ...

๐ˆ๐ ๐‚๐‡๐‡๐”๐๐†๐€ ๐‘๐€๐–๐๐†๐๐€๐–๐‹๐๐€ ๐‘๐ˆ๐‹๐‘๐” ๐ˆ๐๐“๐”๐‡ (๐‰๐จ๐ฌ๐ฎ๐š ๐Ÿ๐Ÿ’:๐Ÿ๐Ÿ“)

Image
Kan chang tlawhchhan khi Israel ho hun pawimawha Josuan a chona a ni a. Mosia hovin Aigupta atangin Kanan ram an thleng a, Kanan ram chu Josua hovin an la a, an awm zel dan turah thutlukna nghet siam a ngai ta a. Chutah chuan Josua hian โ€œIn duh chuan hnam dang pathiante kha bia ula, kei leh ka chhungte hi chuan Lalpa (Yahweh, Israelte Pathian bik) rawng hi a ni kan bawl dawn ni,โ€ a ti a ni. Josua thu sawi ang thova ropui chu Israel Upate zawng zawngte chhanna - Lalpa rawng chauh an bawl tur thu an sawi ve nghal kha a ni bawk. He chona hi vawiin thlenga chhungkaw tin mi chona a ni tih hria ila. ๐Œ๐š๐ฐ๐ก๐ฉ๐ก๐ฎ๐ซ๐ก๐ง๐š ๐ก๐ฅ๐ฎ Kristian hi chi hnih kan awmin ka hre thin a. A chi khatna chu a hminga Kristian nih hi tha an ti tawk hle a, an vanneihpui tur lam chauh an buaipui thin a; Kohhran huang chhunga chhiar tel an nih ve hram hram chuan an lungawi mai. Pathian ram zau zelna tur leh Pathian duh zawng tiha a awm dan tur an vei tam lem lo. A chi hnihna erawh chuan Pathian hmel an thlir a, P...